Membaca Cerita Lampung ” OMPUNG SILAMPONGA “

Dialek “O”

Menughut ceghito di jaman ghabbei,penah meletus gunung didaerah Tapanuli.Letusan ino luar biaso hibat. Nayah penduduk matei akibat letusan gunung ino. Di antaro tiyan wat sai dapek nyelammatken direi.

Wat pak muaghei diantaro sai selamat.Tiyan nyelamatken direi cakak ghakit liwat pantai bagian barat Sumatera. Tiyan pak ino yolah Ompung Silitonga, Ompung Silamponga, Ompung Silaitoa dan ompung Sintalanga. dawah Gebingei tiyan pedem di unggak ghakit,bebulan-bulan dibou umbak tiyan singgah dipantai lajeu adek darat ulah nigheu kanik’an. ulah wafteu ino Ompung Silamponga maghing yo wak ago ngelanjutken perjalanan adek darat jamo kaban wagheino.Yo dianyukken wagheino makai ghakit dawah debingei Ompung silamponga mak sadarken direi diguccang-guccang umbak

akhirno suateu arei ghakitno ngehattam bateu balak Ompung Silamponga minjak, aneh yo ngeghaso badanno sihat,yo lajeu tuyun adek darat pikirno dijolah pekkeu terakhir sai aman cukup bunnei yo meneng disan.Beng ino tano gelehno  krui Lampung Barat. Ompung Silamponga lajeu menyusuri adek lem las sai beghak suateu ketiko yo tigeh di Bukit sai paling gaccak,anjak unggak bukit yo ninuk adek aghak lawet lajeu adek timur jamou selatan. Sakking balak ateino yo tekayung anjak unggak bukit ” Lappung….Lappung’” sai artino luas lem bahaso Tapanuli yo lajeu tuyun anjak bukit yo bertekat ago meneng di san selamono ngebangun anek sai bareu. Ompung siiampunga Sehaluan jamo penduduk setempat sai dijadeienno waghei. Akhirno setelah bertahun-tahun meneng disan Ompung Silamponga Matei daerah mo disebut Sakalo Beghak daerah belalau Lampung Barat.

Jadei asal mulo Lampung yolah salah sateuno anyak asal kata Ompung Silamponga jamo Cawo Lappung.

 

Kamus Lunik

NO DIALEK O DIALEK A ARTI
1 nayah lamon banyak
2 ino/sino sina/hena itu
3 direi dighi Diri
4 cakak cakak naik
5 dawah debingei dawah debingi siang malam
6 pak pak empat
7 ghakit ghakit Rakit
8 pedem pedom Tidur
9 dibo/bou dibatok Dibawa
10 singgah singgah Mampir
11 darat daghak Darat
12 jamo ghik Dengan
13 kaban waghei Kaban puwaghi para saudara
14 Anyuk Anyuk Hanyut
15 Balak balak Besar
16 Minjak Minjak Bangun
17 ngeghaso ngeghasa Merasa
18 arei ghani Hari
19 Tuyun tughun/debah Turun
20 Dijo Dija Disini
21 Disan Dudi Disana
22 Las Pullan Hutan
23 unggak Unggak Atas
24 ngenah/ninuk Ngeliyak Melihat
25 Lawet Lawok Laut
26 Meneng/netep Netop/tinggal Menetap/ bertempat tinggal
27 Anek Pekon Desa/kampung

 

Jawablah Pertanyaan berikut dengan tepat!

  1. Anjak Daerah kedokah asal mulo Ompung Silamponga?
  2. Ulah nyo Ompung Silamponga dapek tandak anjak daerah asalno?
  3. Sapo gaweh gelegh tiyan pak muaghei ino?
  4. Nyo gelegh daerah beng Terdampamo Ompung Silamponga ino tano? |
  5. Didaerah kedokah Sekalo Beghak?

Be the first to comment

Leave a Reply

Your email address will not be published.


*